Жондор туманида битта бўш иш ўрнига ишсизлар сони 12 тани ташкил этган
Халқ депутатлари Жондор тумани Кенгашининг навбатдаги сессиясида таъкидланишича, вақтинча ишлаш учун хорижга кетганлар сони 11,2 минг бўлиб, иқтисодий фаол аҳолининг умумий сонидаги улуши 14,4 фоизни ташкил этган.
Жамоатчилик назорати
Халқ депутатлари Жондор тумани Кенгашининг навбатдаги сессиясида таъкидланишича, вақтинча ишлаш учун хорижга кетганлар сони 11,2 минг бўлиб, иқтисодий фаол аҳолининг умумий сонидаги улуши 14,4 фоизни ташкил этган.
Тумандаги 300 дан ортиқ фермер, деҳқон хўжаликлари, қурилиш соҳаси, қишлоқ хўжалиги, тадбиркорлик соҳаларида ҳар бир қабул қилинган ишчини расмий равишда ишга қабул қилиш ва даромадга кафил бўлиш эвазига 6,5 минг иш билан банд бўлмаган фуқаронинг доимий иш ва даромад билан таъминланиши ва норасмий секторда бандлар ва ишсизлар сонининг 8 фоизга камайишига эришилади.
2019 йилда Жондор туманида ишсизлар 6,5 минг ёки йиллик ўртача корхона-ташкилотлардаги бўш иш ўринлари 556 та бўлиб, битта бўш иш ўринга тўғри келадиган ишсизлар (ишга жойлашишга муҳтож шахслар) сони 12 тани ташкил этган.
Тумандаги, мулкчилик шаклидан қатъий назар, (МЧЖ, ЯТТ, катта ва кичик тадбиркорлик субъектлари, фермер ва деҳқон хўжаликлари) барча юридик мақомга эга бўлган 600 дан ортиқ корхонадаги бўш иш ўринлари тўғрисида маълумот бериб боришни ташкил қилиш ва 3 мингдан ортиқ ишсиз ва банд бўлмаган фуқарони ҳақ тўланадиган жамоат ишларига жалб қилиш орқали ишсизлар сони 7,5 фоизгача пасайишига эришилади.
Фаолият кўрсатаётган субъектлар таркибида 3 йилдан ортиқ фаолият кўрсатаётган тадбиркорлик субъектларининг улуши 50 фоизни ташкил этган ёки 50 фоизининг фаолияти янги очилган корхоналар ҳисобига тўғри келмоқда. Бунинг сабабини билиш учун Жондор тумани ҳокимининг биринчи ўринбосари Ислом Юсуповга юзландик.
– 2017 йилда 538 та кичик бизнес субъектлари мавжуд бўлган бўлса, 2019 йилда тадбиркорлик субъектларининг сони 2,5 баробарга кўпайиши натижасида 2019 йилда кичик бизнес субъектлари сони 1301 тага етди, – деди И.Юсупов. – Шунга кўра, 2018-2019 йилларда тадбиркорлик субъектларини ташкил этиш даражаси кескин ошганлиги эвазига ушбу кўрсаткич паст натижани кўрсатди.
Янги ташкил этилган тадбиркорлик субъектлари яшовчанлик даражасини ошириш мақсадида иқтисодий комплекс ходимларидан ҳар бир корхонага масъуллар бириктирилиб, уларнинг фаолиятига амалий ёрдам бериб, ушбу ходимлар бириктирилган корхона учун келгусида масъул ҳисобланади.
Ҳисобот даврида 421 та субъект янги ташкил этилган бўлса, 120 та субъект фаолиятини тўхтатган. 2020 йилда фаолиятини вақтинча тўхтатган ҳар бир тадбиркорлик субъекти иқтисодий комплекс ходимларига бириктирилди ва ҳар бир корхонанинг фаолият кўрсатмаслик муаммоси ўрганилиб, фаолиятини қайта тиклаш ва фаолият юритиши учун аниқ “йўл харита”лари қилинди. Янгидан ташкил этиладиган кичик бизнес субъектлари фаолият юритиши натижасида 300 та янги иш ўрни ва бюджетга 750 миллион сўм солиқ тушумлари туширилишига эришилади.