“Жасорат”га муносиб йигит
Захирадаги оддий аскар Тошбоев Мехриддин Нормурод ўғли Сирдарё вилояти Оқолтин туманида таваллуд топган.
Захирадаги оддий аскар Тошбоев Мехриддин Нормурод ўғли Сирдарё вилояти Оқолтин туманида таваллуд топган. Меҳриддин ҳарбийликка ёшлигидан қизиқарди. 2018 йил йигитлик бурчини адо этиш учун Давлат хавфсизлик хизмати Чегара қўшинларига қарашли Қашқадарё вилоятида жойлашган ҳарбий қисмга йўл олади.
Захирадаги оддий аскар М.Тошбоев муддатли ҳарбий хизмати давомида зиммасига юклатилган хизмат мажбуриятларини виждонан бажариб, ўзининг намунали хулқи, раҳбарият буйруқларини ўз вақтида бажариши, давлат чегарасини қўриқлашда фаол ҳаракати билан хизматдошлари орасида обрў-эьтибор қозонган.
Хусусан, 2019 йил февраль ойида чегара ҳудудида хизматини ўтаётган вақтда чегара бузғунчиларини қўлга олишда оёғидан яраланди.
Мустақиллигимизнинг 28 йиллик байрами арафасида Ўзбекистон Республикаси Президенти, Қуролли Кучлар Олий Бош Қўмондони фармонига кўра, захирадаги оддий аскар Тошбоев Мехриддин Нормурод ўғли давлатимизнинг юксак мукофоти – “Жасорат” медали билан тақдирланди.