Жарқўрғонда инвестиция лойиҳалари самара бермоқда
Сурхондарё вилояти Жарқўрғон туманидаги “Nortex Style” масъулияти чекланган жамиятида пахта толасидан калава ип ишлаб чиқариш йўлга қўйилган.
Сурхондарё вилояти Жарқўрғон туманидаги “Nortex Style” масъулияти чекланган жамиятида пахта толасидан калава ип ишлаб чиқариш йўлга қўйилган.
Шотландиянинг “Nortex Corporation” компанияси томонидан инвестиция маблағлари асосида ташкил этилган корхонада 546 нафар киши иш билан таъминланган. Йиллик маҳсулот ишлаб чиқариш қуввати 800 тоннани ташкил этади. Корхона таркибида йигирув-тайёрлов, йигирув, чиқинди цехлари, ёрдамчи хўжалик, иқтисодиёт, ҳисобчилар, кадрлар, диспетчерлик хизмати, таъмирлаш, саломатлик, хўжалик ишлари, транспорт бўлимлари фаолият олиб бормоқда.
Охирги уч йилликда корхонада 240,3 миллиард сўмлик маҳсулот ишлаб чиқарилган. Хусусан, 2019 йилда бу кўрсаткич 102,2 миллиард сўмни ташкил этиб, 5 минг 680 тонна маҳсулот ишлаб чиқарилди.
