Жаҳон банки COVID-19 туфайли жуда кўп одамлар қашшоқликка юз тутиши ҳақида огоҳлантирмоқда
Дунё бўйича 60 миллионга яқин киши коронавирус пандемияси туфайли қашшоқлик ёқасига келиб қолиши мумкин, дейди Жаҳон банки раҳбари Дэвид Малпасс.
Дунё бўйича 60 миллионга яқин киши коронавирус пандемияси туфайли қашшоқлик ёқасига келиб қолиши мумкин, дейди Жаҳон банки раҳбари Дэвид Малпасс.
“Бу эса қашшоқликни тугатиш бўйича кейинги уч йилда эришган ютуқларимизни ҳам йўққа чиқаради. Бизнинг фикримизча, дунёда чуқур рецессия бошланади“, — дея таъкидлади Малпасс телеконференция чоғида.
Банк коронавирус оқибатларини тугатиш ва қашшоқликнинг олдини олиш учун курашда четга чиқиб турмайди, албатта. 2021 йилнинг ўрталаригача 100 та мамлакатга 160 миллион доллар миқдорида кредит беради, дея аниқлик киритди у.
Шу билан бирга, унинг таъкидлашича, Жаҳон банкининг саъй-ҳаракатлари етарли эмас, шу боис кредитор мамлакатлар “Катта йигирматалик” ташаббусига қўшилиши керак.
Бундан аввалроқ “Катта йигирматалик”ка аъзо мамлакатлар бир қатор ривожланаётган мамлакатларнинг тўлайдиган қарзларига мораторий эълон қилган эди.