Жўрабек Каримов ярим финалда
Қозоғистоннинг Олмата шаҳрида эркаклар ўртасида теннис бўйича “Фьючерс“ туркумига кирувчи халқаро турнирда истеъдодли теннисчимиз Жўрабек Каримов муваффақиятли иштирок этмоқда.
Теннис
Қозоғистоннинг Олмата шаҳрида эркаклар ўртасида теннис бўйича “Фьючерс“ туркумига кирувчи халқаро турнирда истеъдодли теннисчимиз Жўрабек Каримов муваффақиятли иштирок этмоқда.
Халқаро теннис федерацияси томонидан ўтказилаётган мазкур мусобақанинг биринчи даврасида Жўрабек швейцариялик Марк-Андреа Хьюслерни 6:4, 7:6, иккинчи босқичда грузиялик Георге Цивадзени 6:1, 6:2 ҳисобида мағлубиятга учратди.
Турнирнинг чорак финал босқичида эса теннисчимиз россиялик Константин Кравчуни 6:1, 7:6 ҳисобида енгиб, ярим финал йўлланмасини қўлга киритди. Энди Ж.Каримов ярим финал босқичида мезбонлар вакили Денис Евсеев билан куч синашади.