Куни кеча “Jurabek Laboratories” МЧЖ қўшма корхонасида ишлаб чиқарилаётган "Sputnik V" вакцинаси 1- ва 2- компонентларининг дастлабки 260минг 500 дозаси Санитария-эпидемиологик осойишталик ва жамоат саломатлиги хизматига топширилган эди.

Аввалроқ эса ушбу корхонада тайёрланган "ZF-UZ-VAC2001" вакцинасининг 1миллион 458минг 820 дозаси эмлаш учун топширилганди.

Корхона томонидан " ZF-UZ-VAC2001"нинг 1миллион 219минг 510 дозалик иккинчи партияси ҳам Санитария-эпидемиологик осойишталик ва жамоат саломатлиги хизматига етказиб берилди. Бу ҳақда ССВ матбуот хизмати хабар бермоқда.

Шундай қилиб, юртимизда эмлаш жараёнларида фойдаланилаётган жами вакцина 29миллион 893минг 38 дозани ташкил қилмоқда.

Эслатиб ўтамиз, ҳозир мамлакатимизда коронавирусга қарши олти турдаги вакцинадан фойдаланилмоқда. Булар "AstraZeneca", "ZF-UZ-VAC2001", "Sputnik V",  "Moderna", "Pfizer/BioNTech" ҳамда "Sinovac" вакциналаридир.

Моҳигул Қосимова, ЎзА