Юртимизда коронавирусга қарши эмлаш жараёнлари жадаллик билан давом эттирилиб, олти турдаги вакцинадан фойдаланилмоқда. ССВ Матбуот хизмати берган маълумотга кўра, ўтган давр мобайнида эмлаш бошланганидан бери 10 миллион нафардан ортиқ аҳоли ZF-UZ-VAC2001 билан турли босқичларда эмланди – мазкур вакцинанинг 20миллион 557минг 91 дозаси эмлаш жараёнларида фойдаланилди.

Россияда ишлаб чиқарилган  икки компонентли Sputnik-V вакцинаси ҳам мамлакатимизга эмлаш жараёнлари бошланган илк ойларда келтирилган. Бугунга келиб унинг 498минг 406 дозасидан эмлаш жараёнларида фойдаланилди.

AstraZeneca мамлакатимизга келтирилган энг биринчи коронавирусга қарши вакцина бўлиб, жорий йил 1 ноябрга қадар унинг 1миллион 448минг 211 дозаси эмлаш жараёнларида фойдаланилди.

Юртимизга келтирилганига ҳали кўп вақт бўлмаган Moderna вакцинасининг 2миллион 865минг 418 дозасидан эмлаш жараёнларида фойдаланилди.

АҚШда ишлаб чиқарилган Pfizer вакцинасининг 1миллион 15минг 920 дозаси эмлаш жараёнларида фойдаланилди.

Мамлакатимизга энг сўнгги олиб келинган  Sinovac эса вакцинасининг 84минг 653 дозаси эмлаш жараёнларида фойдаланилди.

Моҳигул Қосимова, ЎзА