Зейнетақы қоры халықаралық ұйымға мүше болды
Халықаралық әлеуметтік қамсыздандыру қауымдастығы Өзбекстанның Зейнетақы қорының ұйымға мүше болу туралы өтінішін мақұлдады.
Халықаралық әлеуметтік қамсыздандыру қауымдастығының Бас ассамблеясы Өзбекстан Республикасы Экономика және қаржы министрлігіне қарасты бюджеттік емес Зейнетақы қорының ұйымға мүшелікке өту туралы өтінішін мақұлдады.
1927 жылы құрылған Халықаралық әлеуметтік қамсыздандыру қауымдастығы халықты әлеуметтік қорғау саласында бірыңғай саясатты жүзеге асырудың жетекші ұйымы болып табылады. Ол әлемнің 160 елінен 320-ға жуық ұлттық әлеуметтік қамсыздандыру институтын біріктіреді. Әлеуметтік салада бірқатар халықаралық ұйымдармен, ең алдымен, Халықаралық еңбек ұйымымен, БҰҰ-ның Экономикалық және әлеуметтік кеңесімен, Дүниежүзілік денсаулық сақтау ұйымы және салаға қатысты басқа да мекемелермен тығыз байланыс жасайды.