Әзербайжанның 2025 жылғы мемлекеттік бюджетінде қорғаныс пен қауіпсіздікке жұмсалатын шығындар ұлғайтылады.

Anadolu агенттігінің хабарлауынша, жаңа жылда қорғаныс пен қауіпсіздікке бөлінетін қаражат көлемі 8 миллиард 396 миллион манатты құрайды. 

Бұл шығындарды қаржыландыру Әзербайжанның Мемлекеттік мұнай қорынан мемлекеттік бюджетке 1 миллиард 700 миллион манат көлемінде қосымша трансферт бөлу арқылы қамтамасыз етіледі. 

2025 жылғы шығындар құрылымында қарулы күштерге 2 миллиард 665,2 миллион манат, ұлттық қауіпсіздікке 467 миллион 917 мың манат, шекара қызметіне 540 миллион 314 мың манат бағытталмақ. Сондай-ақ, қорғаныс пен ұлттық қауіпсіздікке қатысты өзге де шараларға 4 миллиард 717,4 миллион манат қарастырылған.