Украина президенти Владимир Зеленский Рождество байрами арафасида ўз халқига қилган мурожаатида украинларнинг ягона орзуси тинчлик ва адолат эканлигини таъкидлади.

– Украинлар ўз ери ва оиласи бағрида тинч-тотув яшашни истайди холос, -деди у.

Нутқ Россиянинг навбатдаги ҳужумлари фонида янгради. Рождество арафасида Украина ҳудудларига 130 дан ортиқ дрон учирилди.

Шунингдек, Зеленский зиддиятни тугатишга қаратилган тинчлик режаси бўйича АҚШ билан айрим келишувлар мавжудлигини ҳам маълум қилди. Бироқ Донбас ҳудудлари ва Запорожье атом электр станцияси масаласи ҳануз энг оғир нуқта бўлиб қолмоқда. РФ эса ўз талабларидан воз кечмаяпти.

Мусулмон Зиё, ЎзА