Украина президенти Владимир Зеленскийнинг фикрича, Шимолий атлантика альянси ўзининг янги аъзоларни қабул қила олмаслиги бўйича ишора-белгилар бермоқда.

Зеленский The Washington Post ва яна тўртта ахборот манбасига берган интервьюсида шундай фикрни билдирган. Зеленскийнинг айтишича, унинг мамлакати ҳавфсизлик учун НАТО киришга эҳтиёж сезмоқда. «НАТОга киришга тайёр эмас деган важ, Украинани коррупцияда айблаш учун урф бўлди, бу эса, мени доим ранжитади. Ваҳоланки, биласизми, коррупция кузатилмайдиган мамлакатнинг ўзи йўқ», деди Зеленский.