Зеленский Радага Украинада эълон қилинган ҳарбий ҳолатни 90 кунга узайтириш таклифини киритди
Украина Президенти Владимир Зеленский Олий радага амалда бўлган ҳарбий ҳолат ва сафарбарликни яна 90 кунга узайтириш таклифини киритди. Қонун лойиҳаси ва изоҳ берилган мактуб матни чоршанба куни Украина парламенти сайтида эълон қилинди.
Украинада ҳарбий ҳолат 24 февралда жорий қилинган эди. 25 февралда Давлат чегара хизмати 18 дан 60 ёшгача бўлган Украина фуқароларига ҳарбий ҳолат тугамагунга қадар мамлакатни тарк этишни таъқиқлаб қўйди. Мазкур тартиб фақат эркакларга тегишли. Август ойида Олий рада яна бир бор ҳарбий ҳолат ва умумий сафарбарликни 90 кунга, яъни 21 ноябргача узайтирган эди.