Украина президенти Владимир Зеленский Германия канцлери Фридрих Мерц билан телефон орқали гаплашиб, урушнинг илк кунларидан бери кўрсатилаётган ёрдам учун миннатдорлик билдирди. У Мерцни “ҳақиқий етакчи” деб атади.Бу ҳақда DW нашри хабар берди.

Зеленскийнинг айтишича, Германия украиналикларҳаётини сақлаб қолиш ва Россия ҳужумларидан ҳимояланишда жуда катта ҳисса қўшмоқда. Айниқса, немисларнинг ҳаво мудофаа тизимлари Украина шаҳарлари ва энергетика объектларини ҳимоя қилмоқда.

Шунингдек, Германия энергетика соҳасида ҳам муҳим ёрдам тақдим этиб келмоқда. Зеленский бу қўллаб-қувватлаш Украина учун жуда муҳим эканини таъкидлади.

Германия ҳукумати вакили Берлин Украинани бундан кейин ҳам қўллаб-қувватлашни, ҳаво мудофааси, генераторлар ва иссиқлик электростанциялари билан таъминлашни давом эттиришини айтди. Германия адолатли ва барқарор тинчликка эришиш тарафдори эканини ҳам билдирди.

Германия канцлери Фридрих Мерц Германия ҳукумати АҚШ ва Украина билан доимий алоқада эканини, шунчаки воситачи эмас, балки Украинанинг иттифоқчиси эканини таъкидлаган. 

<iframe width="484" height="860" src="https://www.youtube.com/embed/vGgPlN1y11E" title="Zelenskiy Mersni haqiqiy yetakchi deb atadi" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Анвархўжа Аҳмедов (видео), ЎзА