Украина етакчиси Владимир Зеленский Туркияда Владимир Путин билан эҳтимолий учрашув олдидан Президентнинг ўзидан бошқа ҳеч бир Россия вакили билан музокара ўтказмаслигини айтди. Бу ҳақда CNN ёзди.

– Туркияда Путин билан учрашишга тайёрман, урушни тўхтатиш масаласи у билан кечадиган бевосита музокара орқали муҳокама қилинади, – деган Зеленский. – РФда ҳамма нарса етакчига боғлиқ.

АҚШ Давлат котиби Марко Рубио Истанбулдаги музокарада иштирок этиши аниқ. Трамп ҳам муҳим учрашувда қатнашишга рози, бироқ Кремль ҳозирча Путиннинг ўзи келиш-келмаслигини айтишдан бош тортди. Матбуот котиби Дмитрий Песков “Президент бориш зарур деб ҳисобласа, сизларни хабардор қиламиз”, дея изоҳ берган.