Украина Президенти Владимир Зеленский 27 июнь куни “катта еттилик” саммитида видеоконференцалоқа орқали иштирок этади.

Бу ҳақда Германия ҳукумати вакили Кристиан Хофман маълум қилди.

Германия канцлери Олаф Шольц Киевга ташрифи давомида Украина раҳбарини “катта еттилик” ишида қатнашишга таклиф этган ва дарҳол розилик олган.

Германия вакилининг айтишича, саммит 26 июнда бошланиб, эртасига ҳам давом этади. 27 июнь куни тадбирда ҳамкор давлатлар – Сенегал, Жанубий Африка, Ҳиндистон, Индонезия, Аргентина ҳамда қатор халқаро ташкилотлар вакиллари иштирок этади.

“Катта еттилик” йиғилиши Бавариянинг Гармиш-Партенкирхен шаҳри яқинидаги Эльмау қалъасида бўлиб ўтади.

ЎзА