Euronews хабарига кўра, Украина президенти Владимир Зеленский Давосда сўзлаган нутқида Европани танқид қилди.

«Бир йил олдин Давосда мен Европа ўзини қандай ҳимоя қилишни ўрганиши кераклигини айтган эдим. Орадан бир йил ўтди, аммо ҳеч нарса ўзгармади, ҳаммаси ўша-ўша... » - деди Зеленский.  

У Европадаги вазиятни “Суғур куни” фильмидаги воқеаларга қиёс қилди.  

Украина президенти Европада глобал таҳдидларга жавоб беришда жипслик йўқлигини танқид қилиб, қитъанинг ҳаракатлари ҳали ҳам географик, сиёсий катта давлатлар бирлиги сифатида эмас, балки кичик ва ўрта давлатлар ҳолатида эканини айтган.

Зеленскийнинг айтишича, Трамп маъмуриятининг Россия билан урушни тўхтатишга бўлган  кўп марталик ҳаракатлари етарли натижа бермади, АҚШ белгилаган муддатларга қарамасдан, уруш давом этмоқда.  Зеленскийнинг фикрича, Россия - Украина урушида ҳам Европа АҚШ қарорини кутиб қоляпти ва ўзини мустақил куч сифатида намоён қила олмаяпти.

У Россияга қарши қатъий чоралар кўрилмаса, бугун Украинага, эртага эса НАТОнинг бошқа давлатларига таҳдид бўлишини, яна бир бор эслатди.

Шунингдек, у АҚШсиз хавфсизлик кафолатлари ишламаслигини таъкидлади.

<iframe width="650" height="420" src="https://www.youtube.com/embed/e6snzQOJxP0" title="Zelenskiy: Yevropa «Sug‘ur kuni»ni boshdan kechiryapti" frameborder="0" allow="accelerometer; autoplay; clipboard-write; encrypted-media; gyroscope; picture-in-picture; web-share" referrerpolicy="strict-origin-when-cross-origin" allowfullscreen></iframe>

Кенжа Бекжонов, Улуғбек Тўхтаев, ЎзА