Украина президенті Володимир Зеленский Нью-Йоркте БҰҰ Бас ассамблеясының 78-сессиясына қатысу үшін АҚШ-қа келді.

«Мен әуежайдан тікелей Америкада емделіп, оңалтылып жатқан сарбаздарымызға бара жатырмын», - деп жазды Украина басшысы өзінің Telegram-каналында.

Сонымен қатар, Зеленскийдің АҚШ президенті Джо Байденмен, Конгресстің қос палатасының жетекшілерімен және әскери басшылықпен келіссөздері жоспарланған.

Украина басшысы БҰҰ Жарғысына «толық күшін қайтару» қажеттігін айтып, бұл құжаттың басты қағидасы мемлекеттің аумақтық тұтастығы екенін атап өткен.