Владимир Зеленский АҚШ конгресс қаршисида сўзга чиқиб, Украина осмонини самолётлар учмайдиган ҳудудга айлантиришнинг муқобили сифатида Украинага ҳаво ҳужумига қарши мудофаа тизимларини, жумладан, С-300 етказиб беришни сўради.

"Одамлар ҳаётини сақлаб қолиш учун Украина осмонида самолётлар учмайдиган ҳудуд яратишни сўрадим. Бу кўпми... Агар бу жуда кўп бўлса, унинг муқобилини таклиф этаман, биз қандай мудофаа тизими кераклигини биламиз, бу С-300 ва шунга ўхшаш тизимлар", – деди Зеленский АҚШ конгрессига қилган видеомурожаатида.

"Менга осмонимизни ҳимоя қилиш зарур ва менга сизларнинг ёрдамингиз керак", – дея мурожаат қилди Украина давлат раҳбари АҚШ конгрессига.

Шунингдек, Зеленский АҚШ ва иттифоқчилардан Россияга қарши "санкцияларнинг янги траншини жорий қилишни”, жумладан, ўз лавозимида қолаётган РФнинг барча сиёсатчиларига қарши санкция қўллашни сўради.