2024 жылдың 1 шілдесіне Өзбекстанның тұрақты тұрғындарының саны 37 миллион 134 мың адамды құрады.

Статистика агенттігінің хабарлауынша, республикада ең көп халық Самарқанд облысында тұрады.

Халықтың 18 миллион 696 мыңы ерлер, 18 миллион 437 мыңын әйелдер құрайды. Елдегі қала халқы 18,9 миллион адам, ауыл халқы 18,2 миллион адам.

Ведомствоның мәліметінше, Өзбекстан халқының орташа жасы 28,5 жасты құрайды. Салыстырар болсақ, 2014 жылы халықтың орташа жасы 27,3 жасты құраған.

Өзбекстанда еңбекке жарамды жастағы азаматтар жалпы халықтың 56,4 пайызын құрайды. Бұл ретте 32 пайызы еңбекке жарамды жастан кіші, 11,6 пайызы еңбекке жарамды жастан жоғары.

Тұрақты тұрғындардың ең көп саны Самарқанд облысында тіркелген – 4 млн 249 мың адам. Бұл Өзбекстан халқының 11,4 пайызын құрайды. Халықтың үлесі ең төмен өңір – 922 100 адам тұратын Сырдария ауданы.