Uzbekistan Airways авиакомпаниясы Airbus авиакомпаниясымен A320neo отбасына тиесілі 12 ұшақты сатып алу туралы келісімге қол қойды.

«Dunyo» ақпараттық агентігінің хабарынша, ұшақтардың сегізі A320neo, төртеуі A321neo маркалы. Сонымен қатар оларда Airbus Airspace кабинасы бар және ол жолаушыларға әуе көлігі нарығындағы жайлылықтың ең жоғары деңгейін ұсынады. 

«Uzbekistan Airways» әуе компаниясы жаңа ұшақты маршруттар желісін одан әрі кеңейту үшін пайдалануды жоспарлап отыр.

«Біздің «Uzbekistan Airways» әуе компаниясымен ынтымақтастығымыз 1993 жылы басталды. Әуе компаниясының паркін кеңейту үшін A320neo тобына жататын тағы бір ұшақтың таңдалғаны біз үшін үлкен мәртебе. Біз Орталық Азия аймағында әуе тасымалы нарығының қалай дамып жатқанын бақылап отырмыз. A320neo отбасының заманауи және тиімді ұшақтары Өзбекстан әуе жолдарының осы өсімнен пайда алуына және аймақтағы жетекші рөлдердің бірін алуға мүмкіндік береді», - деген Airbus компаниясының бас коммерциялық директоры және департаментінің басшысы Кристиан Шерер. 

Қазіргі таңда «Uzbekistan Airways» авиапаркінде 17 Airbus ұшағы бар.