2025 жылдың қаңтар–қараша айларында Өзбекстанның сыртқы сауда айналымы 72,8 миллиард АҚШ долларын құрады.

Бұл көрсеткіш өткен жылдың сәйкес кезеңімен салыстырғанда 13 миллиард долларға немесе 21,8 пайызға артқан. 

Ұлттық статистика комитетінің хабарлауынша, осы кезеңде экспорт көлемі 30,9 миллиард долларды құрап, 26,2 пайызға өсті. Ал импорт 41,9 миллиард долларға жетіп, 18,7 пайызға көбейген.

Қазіргі таңда Өзбекстан әлемнің 210 елімен сауда-экономикалық байланыс орнатқан. Сыртқы сауда айналымындағы ең жоғары үлес Қытайға (20,1 пайыз), Ресейге (16,2 пайыз), Қазақстанға (6 пайыз), Түркияға (3,7 пайыз) және Корея Республикасына (2,2 пайыз) тиесілі.