Өзбекстанның үш облысында тоқыма өнеркәсібіне маманданған шағын индустриялық аймақтар құрылады.
«Узтуқимачиликсаноати» ақпарат қызметінің хабарлауынша, Әндіжан, Наманган және Қашқадария облыстарында тоқыма өнеркәсібіне мамандандырылған шағын индустриялық аймақтар құрылады.
Хабарда айтылуынша, 2023 жылы Өзбекстанның 10 елде (Германия, Италия, Польша, Ресей, Португалия, Франция, Түркия, Жапония, Англия, Марокко) тоқыма тораптарын құру арқылы 200 миллион долларлық экспорт жүзеге асырылады.
Жыл соңына дейін Әндіжан, Наманган және Қашқадария облыстарында тоқыма өнеркәсібіне мамандандырылған шағын индустриялық аймақтарды құру, Ташкент облысында индустриалды технопарк құру да басым бағыт ретінде белгіленген.
Осы шағын индустриялық аймақтарда жалпы құны 442,1 миллион долларды құрайтын 38 жобаны жүзеге асыру есебінен 9 мың 100 жаңа жұмыс орны ашылып, жыл сайын 247,5 миллион доллардың сапалы тоқыма өнімдерін экспорттау жоспарланған.