Ойбек Шахавдинов Өзбекстан Республикасының Сербиядағы (резиденциясы Будапешт қаласында орналасқан) Төтенше және Өкілетті Елшісі болып тағайындалды.

Жаңа тағайындалған елші Сербия Сыртқы істер министрлігінің Дипломатиялық протокол басқармасының басшысы Бранко Радовановичке сенім грамоталарының көшірмелерін табыс етті.

Кездесу барысында тараптар екіжақты күн тәртібіндегі өзекті мәселелерді талқылап, Өзбекстан мен Сербия арасындағы қарым-қатынасты одан әрі нығайтуға өзара мүдделілік білдірді.

Сербия тарапы Өзбекстанның бұл елге тұңғыш рет елші тағайындауын құптап, бұл қадам екіжақты ынтымақтастықтың барлық бағыттарына жаңа серпін беретініне сенім білдірді.