Өзбекстанның қолдауымен Мазари-Шариф халықаралық әуежайы қайта қалпына келтірілді.

ӨР Көлік министрлігі, «Узавиация» агенттігі, «Узаэронавигация» орталығы, «Uzbekistan Airports», «Узгидромет» өкілдерінен құралған Өзбекстан делегациясы Ауғанстандағы Мавлано Джалалуддин Балхий атындағы Мазари-Шариф халықаралық әуежайын қалпына келтіру бойынша техникалық көмек көрсету жұмыстарының аяқталуына арналған салтанатты шараға қатысты.

Өзбекстан көршілес Ауғанстанның экономикасын сауықтыруға, көліктік-энергетикалық инфрақұрылымды қалыптастыруға үлкен үлес қосып отырғаны белгілі. Екі ел өзара сауда-экономикалық қарым-қатынастарды одан әрі дамытуға және перспективалық жобаларды жүзеге асыруға бағытталған бірқатар бастамаларды алға жылжытуда.

[gallery-9358]

Ауғанстанның Балх провинциясының Мазари-Шариф қаласында өткен конференцияда әуежай қызметін қамтамасыз ету бойынша техникалық қолдау көрсету жобасы кезең-кезеңімен жүзеге асырылып, қысқа мерзімде әуежай аптасына 4 ішкі және 1 халықаралық рейс қызмет көрсете бастағаны айтылды.

Әуежайдың техникалық қызмет көрсету бойынша ұшу-қону жолағының үстіңгі қабаты, ұшақтардың бұрылу жолақтары және тұрақ алаңының таңбалары толығымен жаңартылған. Сонымен қатар, «Өзбекстан ұлттық электр желілері» АҚ тарапынан аймақтың электр және жарық-техникалық қамтамасыз етуді заман талабы деңгейіне жеткізген.

Ауған тарапының өкілдері бауырластық байланыстарды нығайтуға негізделген бұл бастаманы Өзбекстан көршілес елдермен достық және өзара тиімді қарым-қатынастарды нығайтуға бағытталған күш-жігердің мазмұнды жалғасы ретінде қабылдап отырғанын жеткізген.

Бехруз ХУДАЙБЕРДИЕВ, Насиржон ХАЙДАРОВ (фото), ӨзА.

Ташкент – Мазари-Шариф – Ташкент