Өзбекстанның Оңтүстік Африка Республикасындағы (ОАР) тұңғыш елшісі тағайындалды.

ОАР президенті Сирил Рамафоса Өзбекстанның дипломатиялық миссиясының басшысы Ашраф Хужаевтің сенім грамотасын қабыл алды. А.Хужаев қазір қатар Қатардағы елші қызметін де атқарып келеді.

Өзбекстан Сыртқы істер министрлігі баспасөз қызметінің мәліметінше, Ашраф Хужаевтың резиденциясы Доха қаласында орналасқанымен, ол бір уақытта Қатар мен ОАР-да елші қызметін атқарады.

Еске сала кетейік, Өзбекстан мен Оңтүстік Африка Республикасы арасындағы дипломатиялық қатынастар 1992 жылдың 12 тамызында өзара ноталар алмасу арқылы орнаған.

А.Хужаев Ташкент мемлекеттік шығыстану институтын, Өзбекстан Ұлттық университетін және Бейжің университетін тәмамдаған. Экономика ғылымдарының кандидаты (PhD) ғылыми дәрежесіне ие.

Ол министрлік жүйесіндегі қызметін 2005 жылы референт ретінде бастаған. Сол жылдар ішінде орталық басқару жүйесінде, сондай-ақ Нью-Йоркте орналасқан Өзбекстанның БҰҰ-дағы Тұрақты өкілдігінде және Ұлыбританиядағы елшілікте түрлі қызметтер атқарған. 2018 жылдан бері Экономикалық дипломатия департаментінде басқарма, бас басқарма басшысы және директор лауазымдарында еңбек еткен.