Сеул қаласында Глобал қалалар туризмін дамыту ұйымының бас хатшысы Канг Да-юн Өзбекстанның Корея Республикасындағы туризм бренді елшісі ретінде арнайы сертификатпен марапатталды. Іс-шара аясында елдің туристік әлеуетіне арналған таныстырылым да өтті.

Танымал шараға Оңтүстік Корея Парламентінің мүшелері, мәдениет және туризм саласындағы жетекші сарапшылар, бұқаралық ақпарат құралдары мен танымал блогерлер қатысты.

Кездесуде Өзбекстан мен Корея арасындағы туризм саласындағы ынтымақтастықтың қазіргі жағдайы мен келешегі талқыланып, мұндай бастамалардың халықтар арасындағы достық байланыстарды одан әрі нығайтуға ықпал ететіні атап өтілді.

Канг Да-юн Өзбекстанның Кореядағы туризм бренді елшісі ретінде тағайындалуын үлкен мәртебе ретінде қабылдағанын айтып, бұл лауазым тек құрметті атақ қана емес, сонымен қатар Өзбекстанның бай әрі қайталанбас туристік әлеуетін халықаралық деңгейде ілгерілетуге мүмкіндік беретін маңызды алаң екенін жеткізді.

Жаңа міндеті аясында ол Өзбекстанның туристік мүмкіндіктерін жаһандық нарықта белсенді түрде насихаттауға ерекше көңіл бөлетінін атап өткен.