Өзбекстанда тұрақты тұрғындарының саны 2 пайыздан астам өсті.

Мемлекеттік статистика комитетінің хабарлауынша, 2022 жылғы 1 шілдедегі жағдай бойынша республика халқының саны 35,6 миллион адамға жеткен.

Онда, әйелдер саны 17,7 миллион болса, ерлер саны 17,9 миллионды құраған.

Бұл ретте қала тұрғындарының саны 18,1 миллион, ауыл тұрғындарының саны 17,5 миллион.

Туу көрсеткіш саны – 413 600 адам, өлім саны – 80 900 адам. Неке саны – 108,9 мың, ажырасу саны – 24,6 мың.

Сыртқы көші-қон бойынша көшіп келгендер 0,9 мыңды құраса, 1,4 мың адам көшіп кеткен.