Өзбекстанда коронавирус пандемиясына қарсы күрес шаралары бастапқы жоспардан ұзаққа созылатындығына және қосымша шығындарды талап ететіндігіне байланысты Дағдарыс қорының шығыстары 10 триллионнан 13,4 триллион сумға дейін ұлғайтылды.

Қаржы министрлігі хабарлауынша, қордың ұлғайған шығыстарының 3,4 трлн суммасының 1,7 трлны Министрлер кабинетінің 2020 жылғы 21 қыркүйектегі No575 қаулысына сәйкес мемлекеттік бюджеттің оңтайландырылған қаражаты есебінен, ал қалған 1,7 трлн сомасы халықаралық қаржы институттарының жеңілдетілген несиелері есебінен жабылады.

Еске салар болсақ, Қаржы министрлігі жанындағы Дағдарысқа қарсы қорға 11 тамыздағы жағдай бойынша жалпы сомасы 10 трлн аударылған. Оның 9,87 трлн сумы халықаралық қаржы институттарының жеңілдетілген несиелерінен, 123,5 млрд сумы бюджеттен және 7,8 трлн сумы қордан түскен.