Өзбекстанның Бірінші ханымы, «Zamin» халықаралық қоғамдық қорының Қамқоршылық кеңесі төрайымы Зироат Мирзиёева Баку қаласында өтіп жатқан Жаһандық климат саммиті аясында экологиялық белсенділермен бірге COP29 аясында ұйымдастырылған Өзбекстан ұлттық павильонымен танысты.

Өзбекстан павильонының «Ішкі тұрақтылық» тақырыбындағы концепциясы өзбек шаңырағының отбасылық үйлесімділік символы болған дәстүрлі аулаға негізделген. Павильон елдің климаттық жағдайларына сай, уақыт сынынан өткен тұрақты, дәстүрлі материалдар мен ежелгі әдістерді пайдалана отырып салынған. 

Айта кету керек, саммит күндерінде мұнда жерлердің тозуы мен шөлейттенуі, биологиялық әртүрлілік, қалалардың климатқа төзімділігі, Арал өңірін қалпына келтіру сияқты Өзбекстан мен Орталық Азияның негізгі климаттық мәселелерін қамтитын 30-дан астам іс-шара өтеді. 

Сондай-ақ, Өзбекстан Бірінші ханымы Әзербайжан Бірінші ханымы Мехрибан Әлиева, Түркия Бірінші ханымы Эмине Ердоған және Қырғызстан Бірінші ханымы Айгүл Жапаровамен бірге «Бірлік орталығы» павильонына барды. Бұл павильон Түркия Президентінің жұбайы «Нөлдік қалдық» бастамасы аясында және Әзербайжан Президенті жұбайы басқарған Гайдар Әлиев қоры» қолдауымен ашылған. 

Жоғары деңгейдегі қонақтарға осы ұйымдардың қалдықтарды басқару, қайта өңдеу, экологиялық бағдарламалар мен инновациялық шешімдер, сондай-ақ білім беру, денсаулық сақтау, мәдениет және қоршаған ортаны қорғау саласындағы жобалары туралы толық ақпарат ұсынылды. 

Бұл жерде сондай-ақ Әзербайжанның Шамахы қаласында ағаш отырғызу кампаниясының басталу рәсімі өтті. Төрт елдің Бірінші ханымдары қашықтан көгалдандыру шараларына бастама жасады.