2024 жыл 13 тамыз күні Нью-Йорктегі штаб-пәтерінде Біріккен Ұлттар Ұйымының Бас Ассамблеясы бірауыздан «Деградацияға тап болған және құрған аймақтарда тұрақты орманды алқап құру, ағаш отырғызу және насихаттау – экологиялық проблемалармен күресудің тиімді шешімі» резолюциясын қабылдады.

Бұл құжат Өзбекстан Республикасы Президентінің бастамасы бойынша республикада жүзеге асырылып жатқан қалалар мен ауылдарды жасылдандыру арқылы биологиялық әртүрлілікті сақтауға және қалпына келтіруге бағытталған «Жасыл кеңістік» ұлттық бағдарламасының тұжырымдамасы негізінде әзірленген.

Бұл бастамада Мемлекет басшысының Бас Ассамблея 78-сессиясында және БҰҰ-ның Климат бойынша 28-ші конференциясында климаттың өзгеруіне және жердің деградациясына қарсы тиімді күресу жөніндегі негізгі ұсыныстары көрініс тапқан.

Резолюцияға 100-ден астам мүше мемлекеттер, соның ішінде Орталық Азияның барлық елдері, Әзірбайжан, Австрия, Бельгия, Бахрейн, Венгрия, Германия, Италия, Иордания, Индонезия, Қатар, Қытай, Сауд Арабиясы, Латвия, Моңғолия, Марокко, Оман, БАӘ, Пәкістан, Португалия, Ресей, Корея Республикасы, Түркия, Франция және әлемнің әртүрлі аймақтарындағы басқа елдер бірлескен авторлық жасады.