«Quacquarelli Symonds - QS World University Rankings» халықаралық рейтингтік агенттігі әлемдік университеттердің 2023 жылғы «Пәндік рейтингінің» (Subject Rankings) қорытындысын жариялады.

Оған сәйкес Өзбекстан Ұлттық университеті мен «Ташкент ирригация және ауыл шаруашылығын механикаландыру инженерлері институты» ұлттық зерттеу университеті 4 пән (заманауи тілдер, математика, физика және астрономия, қоршаған орта) бойынша ТОП-500 жоғары оқу орындарының қатарына енді. 

Жоғары білім, ғылым және инновациялар министрлігінің хабарлауынша, Өзбекстан Ұлттық университеті өткен 2022 жылғы рейтингте «Математика» бағыты бойынша 451-500-орындарда болса, биыл бұл бағытта 100 сатыға көтерілген.