Өзбекстандағы екпеге қабілетті 16,1 миллионнан астам азаматқа вакцина толық егілді.

ДСМ-нің хабарлауынша, 2021 жылдың 1 сәуірінен басталған халықты жаппай вакцинациялау науқаны аясында жалпы бүгінге дейін COVID-19-ға қарсы 62,3 миллион дозадан астам вакцина қолданылған.

«Толық вакцина алғандардың 14,2 миллионы коронавирусқа қарсы бустер дозасын да қабылдаған, бұл халық арасында СOVID-19-ға қарсы жаппай иммунитетті қалыптастыру процесіне ықпал етті», делінген хабарламада.

16 айлық вакцинация процесінің қорытындысына сай, қазіргі кезде республикада вакцинаға қабілетті ел тұрғындары арасында COVID-19-ға қарсы екпенің І компонентін алғандар 96,9 пайызды ал, толық егілгендер саны 75,3 пайызға жеткен.