Өзбекстан Республикасының Мемлекеттік қауіпсіздік қызметі Шекара әскерлері елден 1 миллион АҚШ долларын заңсыз алып шықпақ болған азаматты ұстады.

МҚҚ мәліметінше, 2022 жыл 22 маусымда Әндіжан облысының Пахтаабад ауданындағы өзбек-қырғыз шекарасында қызмет ететін МҚҚ шекара әскерлері ірі көлемдегі шетел валютасын елден заңсыз әкетудің жолын кесті.

Атап айтқанда, Пахтаабад ауданының тұрғыны А.Д. екі полиэтилен пакетке салынған 1 миллион долларды Қырғызстанға алып өтпек болған кезде қолға түскен.

Қазіргі кезде азамат үстінен Қылмыстық кодекстің тиісті бабы бойынша қылмыстық іс қозғалып, тергеу жұмыстары жүргізілуде.