2025 жылдың қаңтар–қазан айларында туристік мақсатта Өзбекстанға 9,7 миллион шетел азаматы келді.

Бұл көрсеткіш Ұлттық статистика комитетінің мәліметі бойынша өткен жылдың сәйкес кезеңімен салыстырғанда 50 пайызға өскен, яғни рекордтық деңгейге жеткен.

2024 жылдың осы кезеңінде елге шамамен 6,5 миллион турист келген еді. Бір жыл ішінде туристер саны 3,2 миллионға, яғни жартысына жуық артты. Келушілердің басым бөлігі көршілес Қырғызстаннан – 2,8 миллион адам, екінші орында Қазақстан – 2,3 миллион, ал үздік үштікті Тәжікстаннан келген 2,2 миллион турист қорытындылаған.

Сонымен қатар, шетелдік туристердің келу саны мынадай елдер бойынша тіркелген:

• Ресей – 851,9 мың адам
• Ауғанстан – 388,2 мың адам
• Түрікменстан – 308,9 мың адам
• Қытай – 217,7 мың адам
• Түркия – 148,1 мың адам
• Үндістан – 66,1 мың адам
• Оңтүстік Корея – 41,6 мың адам

Мамандардың айтуынша, туризм инфрақұрылымын дамыту, виза мен шекара рәсімдерін жеңілдету, сондай-ақ жаңадан ашылған бағыттар мен халықаралық іс-шаралар туристердің қызығушылығын одан әрі арттырып отыр. Осы үрдіс алдағы жылдары да Өзбекстанды Орталық Азиядағы ең тартымды туристік бағытқа айналдыратынына сенім мол.