Өзбекстандағы жекеменшік білім мекемелерінде де қысқы демалыс мерзімі ұзартылды
Республикалық арнайы комиссия шешімімен Өзбекстандағы үкіметтік емес білім беру ұйымдарындағы қысқы демалыс 24 қаңтарға дейін ұзартылды.
«Білім беру сапасын бақылау мемлекеттік инспекциясы мен Халыққа білім беру министрлігінің мемлекеттік емес білім беру ұйымдарындағы қысқы демалысты 2022 жылдың 24 қаңтарына дейін ұзарту туралы ұсынысын арнайы комиссия мақұлдады.
Осыған байланысты мемлекеттік емес білім беру ұйымдарында 2022 жылдың 24 қаңтарына дейін оқу процесі ұйымдастырылмайды», делінген хабарламада.
Бұған дейін мемлекеттік университеттер, академиялық лицейлер, кәсіптік колледждер мен техникумдардағы, сондай-ақ мектептердегі қысқы демалыс 24 қаңтарға дейін ұзартылған болатын.