2023/2024 оқу жылынан бастап Өзбекстан мемлекеттік дене шынықтыру және спорт университетінде «Спорттық қызмет: киберспорт» бакалавриат курсы ашылады.

Мемлекет басшысының «Киберспортты одан әрі дамыту және танымал ету жөніндегі қосымша шаралар туралы» шешімі қабылданды.

Осыған орай білім ордасында ашылған бакалавриат курсында оқу мерзімі 3 жылды құрайды.

Сонымен қатар, 2023 жылдан бастап дәстүрлі түрде киберспорт бойынша: 

• жыл сайын сәуір айында өтетін Uzbekistan Esports Championship республикалық чемпионаты;
• жыл сайын желтоқсанда «Министрлер Кабинеті кубогы» турнирі; 
• «Жастар кубогы» турнирі жыл сайын маусым айында өтеді.

Киберспортты одан әрі дамыту және танымал ету бойынша ведомствоаралық кеңес құрылды. Киберспорттағы ping проблемасын кезең-кезеңімен жоюды көздейтін киберспортты одан әрі дамыту және танымал ету жөніндегі іс-шаралар бағдарламасы бекітілді.

Uzbekistan Esports Championship республикалық чемпионатта соңғы бір жылда жеңімпаз атанған (1-орын) киберспортшылар 2023/2024 оқу жылынан бастап осы бакалавриаттың білім беру курсы бойынша кәсіптік (шығармашылық) емтихандарды тапсырудан босатылады және оларға максималды ұпайлар беріледі.

Сондай-ақ, өзін-өзі жұмыспен қамтығандар айналыса алатын қызмет түрлерінің тізіміне киберспорт түрлерін енгізу туралы шешім қабылданды.