Ұлыбританияның беделді Times Higher Education агенттігі өзінің World University Rankings 2023 рейтингтік нәтижелерін жариялады.

Рейтинг бойынша биыл Өзбекстанның тағы 18 жоғары оқу орнына «репортер» мәртебесі беріліп, ТОП-1000-ға кіруге үміткер жоғары оқу орындарының саны 28-ге жетті.

Бұл рейтингте университеттердің 4 бағыт бойынша тиімділік көрсеткіштері бағаланған: оқыту, ғылыми-зерттеу, білім сапасы және халықаралық перспективалар.

Осы 28 жоғары оқу орны «THE» беделді рейтингтеріне кіруге үміткер ретінде таңдалып, рейтингтік агенттік бұл ретте оларға жақыннан көмектеседі.

World University Rankings 2023  рейтингінде дүние жүзіндегі 1799 университет бар. Сонымен қатар, 526 ЖОО «репортер» номинациясын алды.