Мемлекеттік статистика комитетінің мәліметінше Өзбекстанда халық саны 2019 жылдың 1 қазандағы жағдай бойынша 33,7 миллонды құрайды. Халықтың өсу қарқыны өткен жылмен салыстырғанда 1,9 пайызға жоғарылаған.

Республикалық облыстар статистикасына сәйкес, дәл осы 2019 жылдың 1 қазандағы жағдай бойынша халқының ең көп саны Самарқанд облысы болған. Самарқанд, Өзбекстандағы халық саны үлесінің 11,4 пайызын құрайды. Келесі орындарда Ферғана облысы 11,1 пайызды құраса, Қашқадария 9,7 пайызды көрсеткен.

Статистика комитетінің дерегіне сәйкес Өзбекстан халқының 30,5 пайызы еңбек жасына толмағандарды құрайды. Ал, 59,1 пайызы еңбекке қабілетті жастағылар. Еңбекке қабілетті жастан жоғарылар 10,4 пайыз. 

1-ші қаңтар мен 1-ші сәуір аралығындағы халық санының көрсеткіші 33 3 миллион болған.