Үкімет халықаралық пошта және курьерлік жөнелтілімдерді кедендік бақылау және ресімдеу тәртібі туралы ережені бекітті.

«Құқықтық ақпарат» арнасының мәліметінше, ережеге сәйкес халықаралық почта жөнелтiмдерiн өңдеу, оларды кеден органдарының бақылауы халықаралық почта алмасу орындарында жүзеге асырылады.

Халықаралық курьерлік жөнелтілімдерді өңдеу, оларды кеден органдарының бақылауы:

• темір жол және автомобиль көлігімен жеткізу үшін – арнайы белгіленген кеден бекеттерінде;
• әуе көлігі арқылы жеткізу – халықаралық әуежайларда немесе іргелес аумақтарда орналасқан кеден бекеттерінде жүзеге асырылады.

Пошта операторлары мен жеткізушілері қызметкерлерінің көлік ұйымдарының өкілдеріне жөнелтілімдерді жеткізуі кеден органының лауазымды тұлғасының қатысуымен жүзеге асырылады.

Бұл жөнелтілімдерді кеден органының лауазымды тұлғасының қатысуымен пошта операторлары мен жеткізушілер ашады. Консигнация бойынша жөнелтілетін тауарларға кедендік баждарды уәкілетті тұлға төлейді.

Осы Қағиданың ережелері жазбаша хат-хабарларға (шағын пакеттерді қоспағанда) қолданылмайды.