Өзбекстанда 1 сәуірден басталған халықты жаппай вакцинациялау аясында қазірге дейін 216 087 азаматқа вакцина егілді.

Денсаулық сақтау министрлігі қасындағы қоғаммен байланыс департаментінің хабарлауынша, 12 сәуір күні ел аумағында 67 445 азамат вакцина алған. Бұл көрсеткіш вакцинация басталғалы күндік ең жоғары нәтиже. 

Аймақтар арасында ең көп вакцина алғандар Ферғана облысына тура келеді (18363 адам).

Естеріңізге сала кетейік, елдегі вакцинация жоспары бойынша 3 айда 4 млн тұрғынды вакциналау көзделген.