Америка Құрама Штаттарының Халықаралық даму агенттігі (USAID) Өзбекстанда екіжақты кеңсе ашты. Оның миссиясы 2021 жылы толыққанды жұмыс істейтін болады.

Өзбекстанда толыққанды миссияның құрылуы USAID-ке Өзбекстан үкіметінің экономикалық, саяси және әлеуметтік реформаларын одан әрі қолдауға, сондай-ақ жеке бизнес және тәуелсіз БАҚ қызметін күшейтуге мүмкіндік беріп, ауыл шаруашылығы, білім беру, денсаулық сақтау, су шаруашылығы, заңдылық, көші-қон және адам саудасына қатысты мәселелерді шешуді жалғастырады.

«Мен USAID-тің екіжақты миссиясының құрылғанына өте қуаныштымын», - деді АҚШ-тың Өзбекстандағы елшісі Дэниел Розенблюм. «Бұл АҚШ пен Өзбекстан арасында өзара тиімді және тығыз байланыс орнатудағы маңызды қадам. Ауқымды өзгеріс кезінде USAID Өзбекстанның ұзақ мерзімді дамуы мен тұрақтылығына да маңызды үлес қосатын болады. USAID-тің Өзбекстандағы бағдарламалары жеке сектор мен азаматтық қоғам тарапынан үнемі оң бағаланады. Жаңа миссияның басталуымен USAID-тің Өзбекстанмен серіктестігі одан әрі нығайып, дами түсетініне сенімдімін. USAID тобы Өзбекстан халқы және үкіметімен бірқатар бағыттар бойынша тығыз жұмыс істеуге бағытталған. Аймақтық сауданы арттыру, сот жүйесіндегі реформаны ілгерілету, азаматтық қоғамды нығайту, тілдік және практикалық дағдылары бар мамандарды дайындай алатын білім беру жүйесін қолдау және адам денсаулығына, әсіресе COVID-19 қаупін жою солар қатарынан орын алған.