Өзбекстанда Twitter желісін кедергісіз пайдалану толығымен қалпына келтірілді
Өзбекстанда Twitter, WeChat және Vkontakte әлеуметтік желілеріне салынған тыйым алынып тасталды.
Ақпарат және бұқаралық коммуникациялар агенттігінің хабарлауынша, 2022 жыл 1 тамыздан бастап Өзбекстанда Twitter, WeChat және Vkontakte әлеуметтік желілеріне салынған тыйым алынып тасталып, әлеуметтік желілерді кедергісіз пайдалану мүмкіндігі толығымен қалпына келтірілді.
Қазіргі уақытта TikTok платформасымен келіссөздер жалғасуда. Қысқа бейне таспаларға негізделген көңілашар әлеуметтік желіге қатысты келіссөз бойынша нәтиже қосымша хабарланатыны айтылған.
АБКА мәлімдемесінде «Блоктау тек дамуға зиян келтіреді», делінген.