2022 жыл 24 маусымда Өзбекстан делегациясының Түркітілдес мемлекеттер Парламенттік Ассамблеясының (ТүркПА) XI жалпы отырысына қатысуы аясында Олий Мажлис Сенатының Төрайымы Танзила Нарбоева Түркітілдес мемлекеттер ұйымы Бас хатшысы Бағдад Әміреевпен кездесті.

Сенаттың мәліметінше, кездесуде тараптар Түркі мемлекеттері ұйымына мүше мемлекеттер арасындағы түрлі салалардағы, соның ішінде ТүркПА аясындағы қарым-қатынастарды одан әрі дамыту мәселелері бойынша пікір алмасты.

Сонымен қатар, ТМҰ-на мүше мемлекеттер арасындағы сауда-экономикалық және инвестициялық байланыстарды нығайтудағы Өзбекстан Республикасының Президенті Ш.М.Мирзияевтің бастамаларын жүзеге асыру, атап айтқанда, Түркі даму банкін құру мәселесі де қаралған.

Кездесу қорытындысы бойынша осы жылдың күзінде Ташкентте өтетін TМҰ саммиті аясында ресми түрде құрылуы жоспарланған Түркі инвестициялық қорын іске қосуға дайындықты аяқтау туралы келісімге қол жеткізілді.