Республикалық Гидрометеорология орталығы «Узгидрометтің» хабарлауынша Өзбекстанда апта соңына дейін температура 25 градусқа жетеді.

15 наурызда Өзбекстан аумағы антициклонның ықпалында болады. Күндізгі температура 3-8 градусқа дейін жылынады, бұл наурыз айының ортасындағы қалыптыдан әлдеқайда суық, деп жазады «Узгидромет».  

Антициклонның перифериясы 16-17 наурызда ел аумағынан баяу шегінетіні айтылған және кешкі уақытта ауа салқын болып күндер біртіндеп жылиды. Сәрсенбіде күндіз ауа температурасы 9-14 градусқа дейін көтеріледі.

Осы күндері елдің басым бөлігінде жауын-шашынсыз ауа райы күтіледі. Тек Әндіжан, Наманган және Ферғана облыстарында салқын және ылғалды ауа массаларының түсуіне байланысты кей жерлерде жаңбыр жауады.

Аптаның екінші жартысының басынан бастап Иран аймағынан құрғақ және өте жылы ауа-райы келуінен ауа температурасы күрт жылиды. Әсіресе күндіз ыстық болады. Жұмыс аптасының соңында температура күндіз 20-25 градусқа дейін, оңтүстікте 27 градусқа дейін жоғарылайды.

15-19 наурыз аралығында Өзбекстанның таулы аймақтарында қар көшкіні жүру қаупі сақталады.