Өзбекстанда жоғары оқу орындарының студенттері 24 қаңтарға дейін қысқы демалыста болады.

Жоғары және арнаулы орта білім министрлігінің хабарлауынша, 24 қаңтарға дейін қаржылық тәуелсіздікке қол жеткізіп, кредиттік-модульдік жүйеге көшкен барлық жоғары оқу орындарының басшылығы мен профессор-оқытушылар құрамы үшін семинар-тренингтер өткізіледі. Осы себепті студенттердің қысқы демалыс мерзімі ұзартылды.

Осыған бейланысты студенттер мен оқушыларға үйлерінен оқу орындарына қайтуына қолайлы жағдай жасау мақсатында әуе және теміржол билеттеріне 50% жеңілдік мерзімі 2022 жылдың 24 қаңтарына дейін ұзартылды, делінген хабарламада.