Ташкенттегі Экопарк саябағында өткен Өзбекстан сквош және падел федерациясының салтанатты ашылу рәсімі өтті.

Оған, Өзбекстан Республикасының спорт министрі А. Икрамов, Ұлттық Олимпиада комитеті төрағасының бірінші орынбасары О. Умаров, Қатардың еліміздегі төтенше және өкілетті елшісі Хасан Хамза Хошим, Халықаралық киберспорт федерациясының бұрынғы басшысы Влад Маринеску қатысып, сквош пен падел спорт түрлерін халық арасында кеңінен насихаттау жолында маңызды қадам жасалғанын атап өтті.

2026 жылы Жапонияның Айчи-Нагоя қаласында өтетін жазғы Азия ойындары мен 2028 жылы АҚШ-тың Лос-Анджелес қаласында ұйымдастырылатын жазғы Олимпиада ойындарының бағдарламасына енген сквош спорт түрінің елімізде ресми түрде жолға қойылуы өзбек спортшылары үшін жаңа жетістіктерге бастар маңызды қадам болды.

Тәуелсіздік мерекесінің шаттық шараларымен астасқан бұл жиын барысында екі бағыт бойынша спортшылардың көрсетілімдік өнері жиналғандарға ерекше әсер қалдырды.