Өзбекстанда коронавирусқа қарсы күрес бойынша Республикалық арнайы комиссияның жаңа талаптары қабылданды. Бұл туралы ДСМ баспасөз қызметі хабарлады.

Ондағы хабарға сай, алдағы уақытта Өзбекстан аумағындағы шипажай, пансионат және балалар лагерлеріне бару үшін ПТР тест талдауының теріс нәтижесі бар анықтама қажет. Ол жоғарыда айтылған демалыс орындарына барудан 72 сағат ішінде орындалуы керек.

Енгізілген жаңа талап, осы типтегі барлық объектілер үшін жаңадан қабылданатын талаптар жарияланғанға дейін өз күшінде болады.