Ташкент қаласында Николай Пирогов атындағы Ресей ұлттық ғылыми медициналық университетінің филиалын ашу жоспарлануда.

Денсаулық сақтау министрлігінің хабарлауынша, 28 мамырда Ресей денсаулық сақтау министрі Михаил Мурашко бастаған делегация Өзбекстандағы сапары кезінде медициналық университетінің филиалының ашу жөнінде Өзбекстан Денсаулық сақтау министрлігі мен ынтымақтастық туралы келісімге қол қойылды.

Ынтымақтастық бағдарламасының бірінші кезеңі аясында Ташкент қаласында жоғарыда аталған Ресей университетінің ординатурада  (кейінірек аспирантурада) жоғары білікті кадрларды даярлау және медициналық персоналға қосымша кәсіби білім беру бойынша филиалды ашу жоспарланған.

Университет филиалының жұмысын жолға қою үшін білім беру қызметін жүзеге асыруға қажетті ғимарат жиынтығына ие және белгіленген клиникалық базалар жанында орналасқан «Чиланзар» медициналық колледжі таңдалды.

Университет филиалының профессор-оқытушылар құрамы Ресей университетінің қызметкерлері, елдің мамандары мен болашақ филиалдың үздік түлектерінен құрылады.

Білім ордасына талапкерлерді ординатураға (кейіннен аспирантураға) қабылдау процесі, елдегі медициналық жоғары оқу орындарының түлектері арасында конкурс жариялау арқылы жүзеге асырылады.