Хабарыңыз бар өткен айдың 21 жұлдызында Инновациялық даму министрлігі, Қытай Ғылым Академиясының Микробиология Институты және «Anhui Zhifei Longcom Biopharmaceutica» өкілдерімен Өзбекстанда рекомбинантты коронавирустық вакцинаның клиникалық сынақтарын ұйымдастыру туралы келіссөздер жүргізген болатын.

Осы жағдайға орай, 19 қарашада Инновациялық даму министрлігі жанындағы Озық технологиялар орталығында сапаны бақылау тексерулеріне ұсынылған вакцина, плацебо сынамалары және тиісті стандарттар мен реагенттер Фармацевтикалық өнеркәсіпті дамыту агенттігі жанындағы мемлекеттік орталықта қабылданды.

Қазіргі уақытта Мемлекеттік орталықтың Фармакология комитеті осы вакцинаның клиникалық сынақтарының бірінші және екінші кезеңдерінің құжаттары экспертизасын, сондай-ақ «Дәрі-дәрмектерді, медициналық мақсаттағы бұйымдар мен медициналық техниканы сараптау және стандарттау орталығы» вакцина, сарысулар және микробиологиялық талдау зертханасы, Вакциналардың сапасын бақылау және стандарттау зертханасы мен Фармако-токсикологиялық зертханасында дәрілік заттардың сапасын бақылау жүргізіледі. Айта кету керек, барлық жүргізіліп жатқан жұмыстар Денсаулық сақтау министрлігінің бақылауында.

Осынау тексерістер жақсы аяқталғаннан кейін Мемлекеттік орталық пен Этика комитетінің оң қорытындысына сәйкес Өзбекстанда вакцинаның клиникалық сынақтарының үшінші кезеңін өткізу мәселесі шешіледі.

Еске сала кетек, Өзбекстанда рекомбинантты коронавирустық вакцинаның клиникалық сынақтары 18 және одан жоғары жастағы еріктілер арасында өткізіледі деп жоспарланған.