Өзбекстанда қылмыс жасауда күдікке ілінген адамдарды электронды білезіктердің көмегімен бақылау жүйесі енгізіледі.

Министрлер Кабинетінің тиісті қаулысына сәйкес, қылмыс жасады деген күдікпен ұсталған, бас бостандығынан айыру түрiндегi бұлтартпау шарасына тартылған адамдар мен сотталғандардың қашып кетуiн болдырмау мақсатында электрондық білезікті қолдану жүйесі енгізіледі.

Конвойдағы азаматтар (қылмыс жасады деген күдікке ілінген және тергеу изоляторында отырған адамдар, сондай-ақ сотталғандар) қашуға әрекеттенген кезде (электрондық білезікті шешіп алған, зиян келтіргенде, конвой қызметкерінен алыстаған және басқа да жағдайларда) электронды білезік дыбыстық және визуал хабарламаны онлайн режимде автоматты түрде өзіне бекітілген конвой қызметкерге және облыстық ішкі істер органдарына, Гвардиялық әскерлер қолбасшылығының әскери бөлімдеріне, тергеу изоляторлары мен түзеу колонияларының кезекші бөлімшелеріне жібереді.

Қашып кетуге әрекеттенген конвой астындағы адамдар өздеріне тағылған электронды білезіктерден берілетін «GPS» сигналдары бойынша ұсталады.

2024 жылдың 1 желтоқсанына қарай ішкі істер органдарының конвой бөлімшелері толығымен электронды білезіктермен жабдықталады.